Kloa kaun i des …. ich kau gaunz eins sei mit mia, gaunz unabhängig vom Außen, gaunz innig mit mir und mit ollem wos sich so rund um mi zagt… eh…
i kaun mi vo Liachtenergie ernähren und in einsamen Höhlen lebn…. und a olle meine Verletzungen söber heilen… WIR olle kinan des olles!
Heite hab i fia mi erkannt…
….dass i offenboar so manches, zum (scheinboar unerreichboaren) Ziel gmacht hab…
Doch na… i gspia jetzt, wos gaunz tiaf in mia drinnen dieses vermeindliche „Ziel“ mit mia mocht… heite deaf ich´s endlich zua- und ausslassen… ja – mi sozusagen outen… anerseits vor mia.. und aundererseits genauso a vor Eich..
Denn i hab füa mi erkannt… dass wenn i des ois WILL – es auf ana Ebene geschieht die olles wos WIRKLICH is, nur bedeckt und untadrückt – i mi Stück für Stück von mia und meina eigenen Woahrheit (meinen Gefühlen, Bedüafnissen, meinen Wünschen und Visionen) trenn… ois würd i die Nabelschnur de mi nährt zammendrucken – und des LEID wos dadurch entsteht ois „Heilungsprozess“ obstempeln wollen… doch wenn i ehrlich bin… einen Scheiss heilt es… kauns jo goaned.. ganz im Gegenteil… mit jedem bissl mehr Zielfokussierung – wie i glaub das i sei soi – kummt a Schicht mehr Schmerz dazua.. und i spü des Spü weiter…
JO – in mein Leben deaf´s Gefühlsochtabahnen geben… i deaf mi verletzlich zagn… in meim Leben deaf´s Genuss auf ollen Ebenen gebn… in meim Leben deaf´s Chaos im innen wie im Außen geben und a olle Emotionen des so gibt deafn do sei..…
Und des spannendste is jo… es hod ma kana im Aussen vabotn…
des hod kana gsogt dass ned sei deaf – na!!!! – I söba hob ma des zur Mission gmocht – und ba jedem Vasuach der gscheitert is hob i de Gelegnheit gnutzt mir wida moi kloa zmochn wos fia wiaschtl i bin, so quasi… kloa das i des natürli ned kau.. und bin direkt wida in mei guad antrainiertes Verhoitnsmusta einigangen und hob geurteilt – mi vaurteilt – mi eingsperrt in am söbstgschmiedeten Käfig.
I find es deaf glitzern und genauso staubig sein… es deaf die übersprudelnde Fülle genauso wia den an mir knabbernden Mangel geben.. es deaf bergauf und bergob gehen.. i deaf maunchmoi hoat, maunchmoi weich… bitta, kreativ, siass.. zoat, stoak, zbrechlich, unorganisiert, und Heldin sei…
I derf hin und wida null Orientierung hobn.. dazua steh das i ned was wies jetzt weida geh soi.. und gelegentlich a Laterndalträgerin die voran geht sei….
Und wissts warum i glaub das des fia uns olle güt?
…weil ma Menschn san.. freie Menschn – denn i glaub genau dazua san ma do.. do auf da Erdn.. sunst hätt mah eh „obn“ bleim kina..
Ois is do in uns.. und ois des san ma a…..
De Freiheit zu sei wie und wos ma san kann uns kana gebn.. und drum kauns uns a kana nehma – aussa wia söba!